Centro:
Total Horas: 157
Sesións semanais: 9 sesións.
Nome profesorado imparte módulo: Raquel Pousa Soto
O alumnado deberase enfrontar a casos prácticos sobre procesos de traballo, o máis próximos posibles á realidade administrativa e financeira do seu ámbito e cun grao crecente de dificultade.
Para o presente curso académico, na avaliación inicial teremos en conta non só a experiencia propia do alumnado senon o percorrido académico do curso pasado no módulo PIAC, e para o cal contaremos cos informes individualizados realizados no terceiro trimestre curso 2019-2020.
Co cal, cando iniciemos unha unidade, aparte desta información, solicitarei mediante preguntas ao alumnado ou a realización de supostos prácticos, o seu coñecemento previo: de tal xeito que ante distintos niveis, tratarei, a través de exercicios de reforzo, cubrir posibles lagoas.
Ante a situación excepcional que estamos vivindo, e a posibilidade dunha posible interrupción nas sesións presenciais, dende o centro fomentase que a metodoloxía empregada incorpore os medios dixitais como a utilización da aula virtual, así como de outros mecanismos como o correo electrónico. Deste xeito, a profesora fomentará o traballo autónomo do alumnado, exercendo unha titoria activa para que no caso de ter que acollernos a un ensino a distancia, póidase realizar o seguimento das actividades sen ningún tipo de problema
Polo tanto, depois de expoñer a presente guia didactica e a temporalización das unidades formativas, o alumnado poderá acceder ao material a través da aula virtual /blog do módulo. En cada unha das sesións, e despois de explicar os contidos conceptuais (intercalando con pequenos exemplos para unha mellor comprensión), realizaranse os supostos prácticos: sendo parte deles enviados para a sua correción, e asi observar a evolución do alumnado.
Fomentarase o uso do equipo informático para a resolución das tarefas, evitando a entrega en papel, e desenvolvendo así unha mecánica propia da actividade nunha empresa e utilizando aparte dos programas típicos (folla cálculo, procesador texto), unha aplicación específica para contabilizar (podendo utilizar unha aplicación de descarga gratuita, tipo Contasol).
Fomentarase tamén o debate entre o alumnado, naqueles temas que xeneren dúbidas sobre a interpretación da normativa, para que váianse afacendo á aprendizaxe continua que a contorna empresarial provoca. Co cal, a utilización da normativa específica (PXC PEMES, PXC e Leis tributarias, principalmente) é imprescindible en modulos como este: polo que esta será outra aprendizaxe que os alumnos terán que facerAs cualificacións do alumnado se obterá polos seguintes conceptos:
- Probas ao final de cada un dos trimestres, que de forma global recolla todos os contidos temporalizados en cada avaliación.
- Participación en clase/foros: valorar a participación do alumnado en clase/foros, as súas intervencións, explicacións sobre actividades e exercicios propostos tendo en conta o grao de interese e participación.
- Informe de apuntamentos, traballos, exercicios e actividades.
- Controis tipo "test" ou exercicios a través dos cales se poderá constatar a evolución, do alumnado
- Resolución de exercicios, actividades,...Tratarase de avaliar fundamentalmente o grao de coñecementos e actitudes adquiridos.
As cualificacións obtidas polos conceptos anteriores unificaranse nunha soa nota, de tal maneira que nun peso do 20% serán os traballos, controis, intervencións en clase e nun 80% o peso que terá a proba que en cada avaliación realizarei o alumnado
A nota final do módulo, obterase a través da media aritmética das distintas cualificacións obtidas nas distintas avaliacións. Nesta poderá influír, en caso de aproximación ó 5 (aprobado), que o alumno/-a interviñese dun xeito significativo (traballos, investigación, dúbidas...).