Departamento: Administrativo
Centro: I.E.S Ricardo Mella
Curso: 1º
Total Horas: 133
Sesións semanais: 5 sesións.
Nome profesorado imparte módulo: Raquel Pousa Soto
O alumnado deberase enfrontar a casos prácticos sobre procesos de traballo, o máis próximos posibles á realidade administrativa e financeira do seu ámbito e cun grao crecente de dificultade.
Para o presente curso académico, na avaliación inicial teremos en conta non só a experiencia propia do alumnado senon o seu percorrido académico. Cada vez máis existe unha grande diversidade de formación previa: outros ciclos formativos, estudos universitarios, experiencia laboral no seu ámbito, etc fronte ao principal acceso destes estudos, que sería o Bacharelato.
Co cal, cando iniciemos unha unidade, aparte desta información, solicitarei mediante preguntas ao alumnado ou a realización de supostos prácticos, o seu coñecemento previo: de tal xeito que ante distintos niveis, tratarei, de cubrir posibles lagoas.
Incorporouse a nosa practica docente os medios dixitais como a utilización da aula virtual, así como de outros mecanismos como o correo electrónico. Deste xeito, a profesora fomentará o traballo autónomo do alumnado, exercendo unha titoria activa, para que póidase realizar o seguimento das actividades sen ningún tipo de problema. Polo tanto, depois de expoñer a presente guia didactica e a temporalización das unidades, o alumnado poderá acceder ao material a través do manual elaborado pola docente, a aula virtual e blog do módulo. En cada unha das sesións, e despois de explicar os contidos conceptuais (intercalando con pequenos exemplos para unha mellor comprensión), realizaranse os supostos prácticos: sendo parte deles enviados, no seu caso, para a súa corrección ou resoltos na propia aula virtual, e así observar a evolución do alumnado.
Fomentarase o uso do equipo informático para a resolución das tarefas, evitando a entrega en papel, e desenvolvendo así unha mecánica propia da actividade nunha empresa e utilizando aparte dos programas típicos (folla cálculo, procesador texto), unha aplicación específica para contabilizar (podendo utilizar unha aplicación de descarga gratuita, tipo Contasol).
Con respecto aos materiais que o alumnado debe dispoñer para un completo aprendizaxe, serán aparte dos contidos de elaboración propia, que atopará na conserxería do centro e na aula virtual (onde a profesora también engadirá recursos complemetarios), unha calculadora para facilitar a resolución dos exercicios propostos e a lexislación contable de obrigado cumprimento, que neste módulo é o PXC PEME. Pódese atopar unha edición actualizada deste na páxima web do ICAC (Instituto de Contabilidad y Auditoría de cuentas): https://www.icac.gob.es/. Desta maneira, ás probas do módulo o alumnado pode levar un exemplar desta normativa para a súa consulta, así como un cadro de contas. Manexarase para a resolución dos exercicios fiscais, a páxina web da axencia tributaria (https://sede.agenciatributaria.gob.es/) onde atoparán os manuais actualizados á normativa máis recente.Promoverase tamén o debate entre o alumnado, naqueles temas que xeneren dúbidas sobre a interpretación da normativa, para que váianse afacendo á aprendizaxe continua que a contorna empresarial provoca. Co cal, a utilización da normativa específica (Contable e Fiscal) é imprescindible en modulos como este: polo que esta será outra aprendizaxe que os alumnos terán que facer
Neste curso e para a profundización da comprensión lectora en termos económicos xurídicos, fomentarase a utilización de xornais especializados (cor salmón) e revistas da materia. Propoñerase a lectura dun libro adecuado á temática, que servirá, nos dous primeiros trimestres para alcanzar unha mellor cualificación. O libro proposto, "Padre Rico Padre Pobre"As cualificacións obtidas polos conceptos anteriores unificaranse nunha soa nota, de tal maneira que nun peso do 20% serán os controis, traballos, actividades, tarefas ou exercicios, e nun 80% o peso que terá a proba escrita que en cada avaliación realizarei o alumnado.
Proporase a lectura -de forma voluntaria- do Libro “Padre Rico Padre Pobre”. De tal xeito, que aquel alumnado que optase pola actividade, resolvería unhas cuestións (diferentes por cada alumno/a) nos dous primeiros trimestres. Caso de ter todas correctas, incrementarase sobre a puntuación acadada 0,5 puntos. Caso de non ser todas correctas, aplicarase a porcentaxe proporcional sobre os 0,5 puntos: non superando, en ningún caso, o 10 da puntuación total.
A nota final do módulo, obterase a través da media aritmética das distintas cualificacións obtidas nas distintas avaliacións. Nesta poderá influír, en caso de aproximación ao 5 (aprobado), que o alumnado interviñese dun xeito significativo (dúbidas, intervención na aula, nos foros da aula virtual, mensaxería, etc).
En cada período trimestral, o alumnado terá unha cualificación para o conxunto das unidades acadadas nese período. No caso de non acadar un mínimo de cualificación (5) tendo en conta todos os controis e traballos realizados durante ese tempo: a recuperación faraa a través da superación do seguinte trimestre. Se no último trimestre non supera o módulo, recuperarao no período sinalado para o efecto no mes de xuño a través das actividades de recuperación, coa proba escrita correspondente: sendo a nota acadada nesta a que se incorpore como a do 3º trimestre, para a media aritmética.
A profesora poderá excluír da proba escrita trimestral as persoas que leven a cabo calquera actuación de tipo fraudulento. Neste caso, a profesora cualificará esta parte cun cero (80% da cualificación trimestral). Para a superación desta avaliación, será no seguinte trimestre: como no resto dos casos. Se ocorre no ultimo trimestre, a recuperación será no período sinalado ao efecto no mes de xuño
6) Para mais información sobre o modulo e o ciclo.
Toda a información relativa o curriculo da materia pertencente ao ciclo, para profundizar, deste xeito, en tódolos aspectos que podan interesar do titulo, a temos na seguinte ligazon:
No hay comentarios:
Publicar un comentario
Nota: solo los miembros de este blog pueden publicar comentarios.